Hewlêr (Rûdaw) - Supaya Pasdaran a Îranê ragihand ku Tengava Hurmizê heta daxuyaniyeke din ji çûn û hatina keştiyan re hatiye girtin.
Di daxuyaniyê de hat diyarkirin ku nêzîkbûna li Tengava Hurmizê dê wekî "hevkariya bi dijmin re" were qebûlkirin.
Li gorî Ajansa Nûçeyan a Xwendekarên Îranê (ISNA), di daxuyaniya Supaya Pasdaran de hat destnîşankirin ku Tengava Hurmizê ji ber binpêkirina agirbestê careke din hatiye girtin.
"Tengava Hurmizê dê girtî bimîne"
Supaya Pasdaran a Îranê di daxuyaniyê de wiha got:
"Piştî ku dijminê Amerîkayî gelek caran agirbest bin pê kir, Tengava Hurmizê dê heta daxuyaniyeke din girtî bimîne."
Her wiha hişyarî hat dayîn ku bila ti keştî cihê xwe yê lengeravêtinê yên li Kendava Besrayê û Deryaya Umanê neterikîne.
Di heman daxuyaniyê de hat gotin, "Nêzîkbûna li Tengava Hurmizê dê wekî hevkariya bi dijmin re were qebûlkirin."